Mumunang dili, papayabut ku ing kanakung alang patnang kapasamalatan kareng egana-ganang minta, memasa, pinuna, pinuri, meka-buri, mesora, o ninu pa mang memye king oras na para mamasa kareng makapaskil king blog kung ini.
Ngeni, keng sumangid na ning kanakung pamagpasalamat a ita, ing balitang mamako na ku kening blog a ini at kalupa na nitang sinabi ku ketang tatauli kung sinulat, lumipat na kung bale… anya pin agkatan da ngan pu… Tara! Ume ta na! Munta ta na ngan ketang bayu kung bale.
Read the rest of this entry »
5 Comments »
Kareng kanakung kaluguran a susuporta kanaku’t mamasa king kanakung blog a Kapampangan… dakal pung salamat.
Siguro magtaka kayo o’t medyo malagad na kung susulat king blog kung ini, maliban king talagang medyo busy kareng mengalabasan a aldo, sisikasuan ke pu ing pamaglipat kung ‘bale’
Ing amanuan ku pu ing blog a ini, ing kanakung Kapampangan blog. Lilipat ku pu keng bayung address a nukarin ali ne ‘free-hosted’ nu’ne self-hosted ne at kanaku neng talaga.
Ing katutuan pu, maligwa mu dapat ing pamag-lipat, o’neng uling e naman pu talagang makanita karakal ing kebaluan ku kareng teknikal a bage, anya pin medyo maglambat ampong magkasakit ku.
Pero saguli na mu po, ditak na mu pung bina, ara pin. Malaus ne pu, asamasan ke mu rin (sana).
Sana pu, tukyan yu ku pa rin, ayabayan ampong asuportan keng kanakung bayung bale. Potang mesalese ne, karin ku na mu pu sabyan ing kanakung bayung address.
Dakal pung salamat.
No Comments »
Posted by: Roy in Ala mu, Roy, tags: angeles city, Angeles Electric, brownout, dark, earth hour, electric, kuryente, no power, pampanga, Philippines, summer
Bakit kaya medalas in brownout king Angeles City ngeni? Megumpisa ini manibat anyang Sabado, mig-anunsiyo siyang patingapun na alang kuryente, o ‘power rotation’ a ausan da. Lipat-lipat ya ing brownout kanina, bang kanita naman ali diretsong alang sulu king metung a lugar.
Masanting naman ita, adyang makananu mu, balu meng deglan ana pin. Lalu na’t maka-announce ya ita, apisadyan me.
Bala ku sa, anya yang Sabado ita. Anyang Domingo, mekatapilan na naman mitda ing kuryente. Ali pa naman Earth Hour!
Kaybat, ngening mengalabasan a aldo, anda’t kayi, kabud na na naman matda!
Para kanakung ing obra makadepende king internet, kailangan ke ing kuryente, anya maragul a abala patse alang sulu kanaku.
Pero bakit mipapadalas ing alang sulu ngeni? Nanu kayang problema na ning Angeles City Electric Co.?
6 Comments »
Posted by: Roy in Balita at pakilala, Opinyon ampong pakiramdam, Roy, tags: angeles city, Central Luzon, drayber, driver, fare, Filipino, fine, kapampangan, law, LTFRB, multa, pamasahe, pampanga, Philippines, route, ruta
King milabasan a bulan, ikit tamu ing tuki-tuking pamagbaba ning presyo ning diesel, anya pin marapat mu na mibaba mu rin ing pamasahe.
Deng kekatamung kaluguran a drayber, ala no mang akarapat nung ali tuki king pamagbaba ning pamasahe. Uling istung merakap lang manyingil matas, mas maragul a perwisyo karela. Maliban mu kareng mapilan a pasaway ampong masyas ‘balangidngid’ a magmaklak-maklakan ketang mumunang aldo ning pamagbabang pasahe, halos egana-gana naman memintu.
Read the rest of this entry »
No Comments »
Posted by: Roy in Opinyon ampong pakiramdam, Roy, tags: ala lu, angeles city, barangay, dapog, kapitan, marisol, neighbor, sigalot, siping-bale, tanod
Nandin abak, maranun pa mu mamau na kaming asok king bale. Lulub na king kilub ning bale mi ing makapal a asok a manibatan king siping bale. Halos aldo-aldo gagawan da ita, ing magdapog. Neng kayi pabustan ku na la mu, tutal ala na lu man ding anak ampong e na man makanita karakal.
Pero nandin, masyado makapal! E na ku makapangisnawa ampong halos mangapalua na ku mata king sakit. Kakadwa na pa nita, atyu la ring anak at asasagap da ngan ing asok!
Linwal ku bale at pintalan ke ing siping bale mi. Ngeni ku la pa pintalan. Sinabi kung lulub na king bale mi ing asok na ampong e na ku makapangisnawa. Agad na ne mang pitda, oneng e naman kabud mu makanita meyari - “Ba’t galit ka yata?” ngana kanaku.
Read the rest of this entry »
10 Comments »
|
Entries (RSS)