Subukan taya ing Kapampangan!

Angga ngeni eku pa rin aintindian obat king karakal da ring animales o insektong pwedeng pagkumparahan, obat king dagis de pa binase ing aus da kareng taong magobra king pisamban? Dagis Pisamban ada, istung magobra ka ampong susuyu king pisamban. Ke mamasa ka king misa, magkanta, sakristan ka, o miyembro na man ning nanung organisasyon king pisamban, mayaus kang dagis ning pisamban.

ROTC ada pa pin neng kayi, a buri nang sabyan Rat Of The Church, dagis ya pa rin. Pero bakit pin dagis? Ako meragul ku naman king pisamban, metung ku naman karetang mayayaus dagis pisamban. Eku naman pagmasakit, oneng talagang pagtakan ku mu. Manibat anyang malati ku angga pa man ngening matwa na ku. Eku pa rin aintindian nung nanung penibatan king kayausan a ita kareng taong magobra king pisamban. (awsan da lang magobra, pero eno man magsweldo ne?)

Read the rest of this entry »

Ayni na!

Ing kanakung blog a Kapampangan!

Subukan taya! Ta’t ali di ba? Kalambat ku nang mag-blog… puro english! Paminsan-minsan mu rin mag-tagalog ku. Pero ala ku pa palang blog king kanakung amanung sisuan! (ustu ya ba ita?)

Ing tutu na nita, dakal ku pa rin e balu king dayalektong Kapampangan. Lalu na retang mangatwang amanu ampong mangalalam a Kapampangan, palage ku e ku la balu. Nung atin ku man siguro balu kareta, ditak mu.

Anya pin ayni, subukan kung gawang blog a Kapampangan. Siguro samut-samut ne laman ini. Tungkol keng negosyo, personal, tula (o mas buri dang awsan deng matwa a poesia), kanta, kalokwan, ampo nung nanu pa… basta Kapampangan!

Anya pin ngeni…. wapin na ini… kalambat ku nang mag-blog… ngeni naman…

Subukan tamu ing Kapampangan!