Subukan taya ing Kapampangan!

Bakit pin ne? Nanu mong apala ku keng pamag-blog kung ayni? Ing tutu na nyan, maliban keng ala na kung ayoyobra keng bale, ala na ku man talagang apapala keng blog-blog a yan e. Pero mikakaswelo ku patse kaybat kung sinulat at maka-poste ne keng blog ku itang kanakung isipan.

Lalu na kung maswelo potang balu kung ating memasa keng kanakung blog. Neng kayi maglakwan lang komento kareng blog ku, a talaga namang makapatula keng puso ku. Ke positibo ya man ing komento da o positibo ya, masaya ku. Kasi ena la man makapagkomento nung ali de binasang masalese di ba?

Ngeni ping atin ku pang blog a Kapampangan, lalu na kung melumo mag-blog. Kanyaman pala ing susulat king sariling amanu. Nung dati, mag-blog kung pane English. Adyang pamilit ke mu ing English ku, neng kayi eku balu mali ne pala ing grammar ku. Basta masanting yang pakiramdaman, sige isulat ke. Bahala ne ni batman ara pin. Kasi manyaman ing mag-blog e… atin kang panamdaman a kaswelo potang apapasyag mu ing atsu king pamilubluban mu.

E di lalu na nung king Kapamangan ku sumulat! Mapalyaring eku la kabisado retang matwang salitang Kapampangan a tiktak king kalalam, at gamitan ku mu ing aldo-aldo salitang Kapampangan a gagamitan tamu, maswelo ku pa rin. Ing importante, asasabi ku ing buri kung sabyan. Keng kalambatan siguro, uling conscious na ku ngeni, makabalu ku ring mapilan a matwang Kapampangan.

Kaybat meging ku pang kakadwa keng Yahoo! Seselan na ka mu! Ni eku pengarapan, pero ikit ke, anya pin pegmayabang ke natural! Buring sabyan, talagang dakal la reng bisang mamasang Kapampangan. Pauli na niti, maragul ing posibilidad na asumpungan de ing kanakung hamak a blog. Diyos ko! Isipan ku mu ita, mangilabot na ku ampong manigalgal gamat. Buri ku sumulat na kung sumulat, ban kanita naman potang munta la, atin lang bayung abasa.

At ing katataulian, para keng kalupa kung e masyadong bularin, masanting yang paralan ing pamag-blog para apasyag ku ing atyu king kanakung puso ampong isipan. Bage na, eku siguro agawa nung keng pamanyalita gamit ing asbuk ampong dila ya idalan.

This entry was posted on Saturday, June 14th, 2008 at 8:55 am and is filed under Ala mu, Roy.You can follow any responses to this entry through the RSS 2.0 feed.Both comments and pings are currently closed.