Kabira-bira! Kakadwa na ku king Yahoo!
Posted by: Roy in Ala mu, Balita at pakilala, Roy, tags: 2nd, astig, balita, blog, iti, kakadwa, kaluguran, kapampangan, kayanakan, literatura, masanting, masaya, mybloglog, result, resulta, Yahoo
Mipakirut ku! Linawe ke ing kanakung MyBlogLog para akit ku nung nokarin la menibatan ding mumunta keng blog ku. Atin menibatan kareng bulletin post ku king friendster, atin menibatan kareng announcement ku keng multiply, atin mipunta keni pauli na rin ning link ku kareng aliwa ku pang blog. Oneng atin kung apansin… atin miras king blog ku pauli na ning resulta king Yahoo search, ing keyword na (susing-salita?) - kapampangan blog.
Emu naman ngeni na atin miras kareng blog ku pauli na ning Yahoo search… dati na lang lulto deng aliwa ku pang blog keng Yahoo search. Miya-yaliwang salita gagamitan da reng manintun, potang kayi miyabe la reng blog ku kareng resulta. Akakit ku la reta ken ping MyBlogLog, nung nukarin la manibatan deng mamasa kareng blog ku. Oneng potang i-click ku ne itang link a penibatan da, lunto na la keng screen deng Yahoo search result a ikit da reng miras blog ku. PERO, e ku la akit deng blog ku karetang resulta da. O kaya neng kaye, akit ku la man, kareng kalima o matas pang pahina na la makalto. Mipapakirut ku pin, ampong magpasalamat siyempre, kasi miraras la pa rin kareng blog ku adyang malaut na la reng rank ku kareng resulta.
Aah.. pero ngeni, ene makanita. Anyang i-click ku ne itang link na nitang Yahoo search, mibuklat ya kanaku - MASALANG-MASALA! Kakadwa ya ing blog kung iti karetang resultang pepalto na ning Yahoo! Pero eku pa rin kampante, sera ke itang awang (window) at saka ku minta king Yahoo. Sinulat ke ulit - Kapampangan blog, at saka ku ne ki-nlick itang search. Oyta pin! Linto ya ulit, kakadwa kung talaga keng resulta! Ayni ing pruweba!
Awyan ing pruweba! Panupaya yu namu nung English la ring makasulat a notasyon, kasi ginamit ke rin kasi yang litratong yan para makapag-mayabang kareng aliwa pang forum.
Makatula ping isipan, kasi ala ya pa mang parumingo ing blog kung ayni at linub ne pin king Yahoo! Anya pin asna ku kaswelo! Pero eku magpa-burger ne, eko mimirit! Pero pauli na niti, lalo kung mikaganang mag-blog king amanung Kapampangan. Asna ku pa mo karakal atatanggap a feedback na maswelo lang makapamasang blog a Kapampangan, uling talagang maritak la mu deng blog a Kapampangan. Ing katutuan na niti, adyang keng tutung bie (real world), ditak la mu talaga reng literaturang Kapampangan, at deti ela pa miraras kareng masa, lalo na kareng kayanakan.
Malagu ampon masanting ya ing kekatamung salita. Sabi ku pin, dakal ku pa dapat abalu, at deti talagang panigaralan ku la, bang kanita lalo ke pang apasanting ing kanakung blog a iti. At lalo ta ya pang apalaganapan ing kekatamung amanung kaluguran.
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)