Ngeni naman,keng Google… kakatlo ku!
Posted by: Roy in Ala mu, Roy, kayausan o uso, tags: apat, atlu, blog, google, kakatlo, kapat, masaya, maswelo, mayabang, resulta, searchAnyang gewa ke itang blog ku tungkol ketang ranking ku king Yahoo search napun, linawe ke rin ing Google. Megbaka-sakali ku, pota atyu ya rin keng resulta ing blog kung iti. Pero kaybat keng sinulat ing ‘Kapampangan blog‘ at pinindut ku ne ing enter… ala yu keng mumunang pahina ing kanakung blog. Linawe ke kareng tutuki, pota atyu ya kareta. Ali man importante kanaku nung ala yu first page e, lawen ku mu nung lulto ya kareng search. Pero rugo! Kalalam ku na disnan! Miras na ku yata king ka-50th page, ni anino ning blog ku eku akakit! Pero peburen ku ne mu, at eku pibulad-bulad… ita mung keng Yahoo, yang sinulat ku.
Pero bayu ku matudtud nabengi (bandang alas-dose ning bengi), sibukan ke ulit. Bandang alas-siyete pa kasi anyang minuna keng linawe e. Baka-sakali… ala namang mawala. E naman marok ing mamasa. Anya pin minta ku pasibayu king Google, sinulat ke ing ‘Kapampangan blog‘ at saka ku ne pinitik ing enter. Linawe ku la deng linto resulta….
Uyta! Ikit ke! Atyu ne ing blog ku kareng resulta! Atyu na ne na naman keng mumunang pahina, at kakatlo ya pa! Ing tuto na yan, pati ing kakapat, ya mu rin… kanaku ya! Kaswelo kung menakit! Pilan mung oras ing milabas at milub ya ing blog ku kareng resulta, at matas ya pa posisyon! Seselan na ka mu!
At natural mu, nung magmayabang kung makanini, dapat atin kung pruweba di ba? Anya pin ayni pasibayu ing kanakung ebidensiya!
Pabusten yu na ku pang magsaya keng kababawan kung iti. E yu na ko pa kokontran… malagad ku mu naman makapagmayabang makanini.
Maswelo kung talaga, manyaman keng pilubluban… at least ngeni, adyang makananu mu, nung atin manintun blog a Kapampangan, mapalyaring asumpungan de ing kanakung blog.
Entries (RSS)
ye ey (yehey ya ita) adyang aku maswelu ku para keka at ikit ke ing pruweba na metung ka kareng maging inspirasyun para mitaguyud ya ing bayung kulturang kapampangan, at dakal misip at mapalyari tuki keng gagawan mu pamagsulung keng pamamye impormasyun keng kapampangan( huuuuu kasakit talaga ing sumulat kapamangan ne) pero pagsikapan ku rin na datang ing aldo atin ku naman makanini blag na kalupa na ning keka (hopefully hehehehe)!!!