Subukan taya ing Kapampangan!

Tutu ping makatabang puso ing atatanggap kung komento o feedback kening kanakung blog a Kapampangan. Pauli da reti, lalo kung mikakaganang sumulat nang sumulat king Kapampangan! Dagdagan pang lalos ing laman ning blog kung iti, ban kanita mas marakal la pang abasa reng Kabalen a mipapasyal keni para mamasa.

Makarine mu pin pung sabyan, pero detang aliwa kung blog a English, medyo apapaburen ku na la uling mas maswelo kung susulat Kapampangan. Mas malagu ya ampong mas natural ing datang. Lalo na pin patse atin kung atatanggap masanting a amanu kareng mamase keng blog ku. Anya pin pu pasalamat kung maragul!

Metung kareng buri kung pasalamatan, ing kanakung bayung kaluguran, i Jason. Ing katutuan na pu niyan, metung ya pu kareng inspirasyon ku para gawang blog Kapampangan. I Jason pu, metung ya kareng manimuna para magawa ya ing mumunang Kapampangan Telenovela. Nung ‘ya magsumikap yang palaganap ing amanung sisuan, aku na metung blogero (blogger) atin ku rin sigurong agawa para apakilala ya pa ing kekatang amanu. Anya pin mekagawa kung Kapampangan blog, at susuportan na na ku man Jason, anya pin pasalamat kung maragul brod!

Kareng aliwa ku pang kakaluguran, kareng kaklase ku anya pang elementary ampong high school. Ampo kareng aliwa pang Kabalen, na adya e da ku man rugu kilala, susuporta la naman. Dakal kung salamat!

Ampong matula ku mu naman pung ibalita na king kanakung pamanintun king internet, dakal ku naman ikit a aliwa pang blog a Kapampangan. Matula ku pu uling dakal pang magpalaganap king salita ampong kulturang Kapampangan. Buri ku la naman pu sanang banggitan (saka ku na la mu singilan )

Kulang King Yumu - yapin ing Kapampangan blog ng Jason
Elektronik Kabalen
Among Ed.org Blog ng Among Ed
Kabiasnan Kapampangan
PamagCUSA Blog

Dakal la pa reng aliwang blog a magpalaganap keng salita, kultura, o nanu pa mang balita tungkol kareng Kapampangan ampong kayang balen, dapot medyo malalam ne ing bengi at kusa na lang misasara reng kanakung mata. Ken pung tutuki isulat ku la pa reng aliwang ikit.

Pasibayu pu, dakal a salamat keng suporta!

.

This entry was posted on Tuesday, June 17th, 2008 at 9:54 am and is filed under Ala mu, Roy.You can follow any responses to this entry through the RSS 2.0 feed.You can leave a response, or trackback from your own site.