Subukan taya ing Kapampangan!

Wa, ika! Para keka ya ini! Ampo pa ika! Ika, metung ka naman! Ika mu rin! Lalo na ika! Para kekayo ya ini! Basan ye ini, at pakaintidian ye sana… bayu kayo makapato ampong makaperwisyo.

Kilala mu la ba reng pedestrian? Balu mu ba nanung karapatan da? Tutuknan ka patse akakit mung ating lilipat keng dalan? Balu mu bang dapat kang tuknan? Sukat kang magmenor potang palapit ka kareng kanto? Di ba magmaneho ka? O! Di dapat balu mu ita!

Taksipo ka! Bala nang abak, mekatapilan mu na maybug palarisan! Patse hatad ke ing anak kung magaral king Holy Family, maglakad kami manibat San Jose papunta eskwela na. Potang atyu na kami ketang kanto ning 7-11, ume na kami lumipat - ikit mo na kami, e mu kami pa peburan! Balamu talagang panikwanan mu kami pa yata! Uli mong tiktak ya kasanting ing saken mo! Agyu neng bayaran ning insurance mu ing biye mi?

Balamu rugu nanu keng manenaya ning anak ku para makalipat… o’t alang bisang magpalipat! Pare-pareho kayo! Mamasada, mag-tricycle, kotse - lalu na ikayung mangasanting a saken! Asna ko pangasias a batal! Deng mag-traffic naman, ala lang pakyalam! Lawen mu, atyu la ketang lele, istung sinlag ne ing aldo salilung na la. ‘No takot mabilad, balamu wari asno puti!

Kaybat, potang ikwa mi na rin milabas, karas mi Holy Angel naman, ume na ke na naman lumipat papuntang Pisamban Maragul - atyu na ka na naman! Maki-unahan o talagang panikwanan mu kami. Ala ko talagang galang kareng maglakad! Bala mu mo wari bandi ye talaga ing dalan at ala na lang karapatan deng maglakad. Eka pa mo malikid! Kaybat mu kaming menigsu peralis, asna ka pa siyas a batal! Mika-stiff neck ka sana!

Atin kayu pin lisensya, sana naman balu ye ing limitasyun yu. E yu na sana panenayan na makaperwisyo ko pa. Mananu mo wari nung palabasan yu kami? Mabawas kayo pangatao?!

Sana abasa me ini… at inintindi me. Pakaintindian me!

ALTE!

.

This entry was posted on Thursday, June 19th, 2008 at 8:45 am and is filed under Ala mu, Opinyon ampong pakiramdam, Roy.You can follow any responses to this entry through the RSS 2.0 feed.You can leave a response, or trackback from your own site.