Ba’t mo kailangan mamayad pesus?
Posted by: Roy in Ala mu, Opinyon ampong pakiramdam, Roy, tags: amanu, angeles, bakit, english, eskwela, kalokwan, kapampangan, maestra, magaral, magsalita, masenso, pampanga, pera, pesos, pesus, singilan, sisuanAnyang magaral ku pa, makanyan na ing kalakaran. Ban kanita mo mapilitan kang magsalita ning English, istung arakap da kang migsalitang Kapampangan mamayad ka. Nanu mong kalokwan ita?! Angga pa ngeni, makanyan pa rin ing dapat da reng maestra! Ngeni pesus na! Balamu mo wari makwalta la reng anak para papamayaran da lang makanita!
Kapampangan ka bawal kang magsalitang Kapampangan?! Ustu wari ita? Atyu tamu Angeles City, keng Pampanga, Kapampangan ing amanu ta keti! Bakit mu la ibawal magsalitang Kapampangan deng tao?! E ustu ita! Anya pa man malati ku makanita na ing lawe ku, at angga pa ngeni e pa rin menaliwa. Para kanaku mali ita.
Ban kanita mo kanu misane lang magsalitang English deng anak… e tutu ita! Sabyan mo, tuknan na la pin mang magsalita! Lalako mu karela ing freedom of expression. Tanung mas apasyag na ing sarili na king amanung sisuan, bakit e malyari? Adya pa nang balu ne ing pakibat oneng ali ne balung inglisan, kasdan mu ene makibat. Nang epekto na king anak nita? Bukod ketang ala neng grade, mibabawasan ya pa ing kumpyansa na king sarili na! Tsk!
Nung mo waring byasa kang English, mas maligwa kang manasenso? Ali mu rin! Karakal ku kakilalang oklak kanita, e da man sikaso ing pamagaral da, ni ela byasang mag-english - pero panga-asenso da ngeni! Ampong eku balu nung makananu, pero kabyasan dang mamag-english ngeni.
Eko pakyalaman deng maestra, angga’t malyari. Oneng anak ta la reng pakyalaman da, ampong amanu tamu ing papaten da. Eku na kutang nanung gawan da ketang pesus, pakibat da sigurado class funds la reta. Pero ing pisasabyan itang pamanyikil dang magsalita la reng anak king amanung sisuan.
Atyu ta Pampanga, e bawal mag-Kapampangan keni!
Entries (RSS)
hi…interesting ya ing blog mu…actually atin kmi pagumpisan din na blog abt pampanga…and invite da ka sana magcontribute articles…e-mail me if ur interested>>cbasco@gmail.com. tnx!
hmm… wa interested ku.
send ke email ku.
dakal a salamat!
primitibu la pamisip ding teacher a gagawa kareni. linto na pin karing studies na mas maligua ya kumatni buntuk ing metung a anak istung tuturuanan me gamit ing kayang amanung sisuan.
so nung ituru meng ENGLISH, ing gamitan mung medium of instruction KAPAMPANGAN, bang mas malagua neng ayabsorb.
kesa ke kalub na ning kulasiring king iskuela pamomban da neng english utak… na’ng abalu na??