Jun
21
2008
Nanu nang balita kang Aling Lucing?
Posted by: Roy in Ala mu, Opinyon ampong pakiramdam, Roy, tags: aling lucing, angeles, balita, crossing, krimen, krosing, mete, queen, sisig
Anyang April 16, 2008, mipakirut ya ing buong Pampanga… ali mu pala, nune ing buong Pilipinas, king pangamate na ning awsan dang Sisig Queen - i Aling Lucing. Atyu ku keti Angeles, pero abalu ke mu ita kareng news flash a papalage da ding TV, anya pin talagang mebigla ku. Makanita ya karagul ing balitang ita, miras ya agad kareng istasyon ning TV keng Manila. Ampong karen pang tutuking aldo, papakit de pane king balita, ampo nung nanu nang mangapalyari king imbestigasyon da.
Ngeni, ing pagtakan ku mu, balamu yata menahimik ne ing kaso. Ing tatauling balitang dimdam ku yapin itang sasadya da ne ing warrant of arrest para keng asawa nang Aling Lucing at mapilan mung aldo kaybat ning libing, dakpan da ne ing matwa.
Entries (RSS)