Ing pamasahe keng City Hall ning Angeles
Posted by: Roy in Opinyon ampong pakiramdam, tags: city hall, drayber, driver, LTFRB, masabal, mayor, office, pamasahe, purblic service, serbisyo publiko, transport fare
Pagtakan ku manibat kanita, bakit kaya pekalaot de ing City Hall? Itang eda dadalanan saken o pupuntalan da man deng tao. Anya pin anyang minuna, asna kasakit mumunta karin, para mu makalapit ya ing memalen kareng manungkulan, kailangan lang mag-tricycle. E pu mura ing tricyle keti Angeles, adyang kaninu yu man pangutang. Masimap, deng magbyaheng Pandan, mika-ruta lang pa-deretso keng City Hall.
Oneng deng mamasadang areni, para ihatad da la reng tao keng City Hall, manyingil lang mas matas a pamasahe. Eku biyasang manyukad, pero nung lawen me distansya na ning City Hall keng Pandan, ene man makanita kalaut. Kanitang epa matas ing pamasahe, e masyadong mabayat itang diperensya. Pero ngeni, matas na ngan ing egana-gana, ing diperensyang pesus medyo mabayat-bayat ne.
E ba labag king alintuntunan na ning LTFRB ing gagawan da reng mamasadang Pandan a reni? Manyingil lang mas matas keng ditak a diperensya. Ing eku aintindian, bakit da paintulutan deng manungkulan keng balen ing makanini? Mumunang dili, ilang miglaut keng City Hall kareng memalen. Sana mu, e da na dagdagan pa ing gastos da reng tao para mu makalapit karela.
Wa, balu ku mas mura ya pa rin kumpara keng tricyle. Pero aliwa ing pisasabyan ita. Katungkulan dang gawang paralan para maging yang ‘accessible‘ ing serbisyo publiko kareng memalen. Atin nang dyip a mamasada, kailangan na mu i-ustu da ing maling pamamaralan.
Ita mung ustu at dapat a pamasahe ya mu sana ing masingil.
Sana atin lang masabal deng manungkulan.
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
Pandan to Angeles City hall is around 1km siguru, magkanu ba ing dapat increase per km, di ba P1 mu yata per km?
Buti namu taga San Fernandu naku, pero masakit din mumunta SF City hall ngeni dahil keng gewa dang city central terminal
aro neh! mas masakit pala ing mamasang kapampangan kaysa sabyan muna mu…
mas malaut la pa pupulayan deng aliwang mamasada keti angeles pero minimum mu ing pasahe.
hehehe… anya pin dapat dalasan mu mamasyal ‘pre para misane ka.
dakal a salamat ‘pre!