Linoko de ing anak ko!
Posted by: Roy in Opinyon ampong pakiramdam, tags: Add new tag, alang masabal, alang modo, alte, animal, danupan, daranup, drayber, driver, dyablos, greed, makasarili, mapanyamantala, matako, Pandan, pandan-pampang
Panupaya yu pung nung ali ya masyadong mayan ding aliwang amanu ku keti, pauli ning istung deng anak ku elang me-agrabyado, ali ku pu talaga aske. Eku pu maglawe keng kabilian o obra ning metung a tao para tasan nung nung nanu ya klase panga-tao, Dapot, deng mismong taong ali mu buring latian, ila mismo ing gagawang paralan para palto na ALA LANG KWENTA!
Itang seken nang dyip ning anak kung magaral king Pandan napun, eku balu nung matako ya talagang danupan ne mu, gewa neng mulala ing anak at pegsamantalan ne. Memayad yang bente pesos ing anak ku para king pamasahe na, ali ne agad binye ing sukli. Anyang kuldas ne ing anak at kunan ne ing sukli na king bente, kasasabi na ning mayayanimal a drayber, apulu ya kanung pesus ing pera ning anak ko!
Pamilit na kanu ning anak ko e bente pesos ya pera, oneng uling makatuwa ya ing matakong drayber a ini, ala yang akarapat. Alte! Karagul na pami-aliwa ning bente king apulung pesus! Ala nang papel a apulung pesus ngeni para pagkamalan ne ning anak ku ing pera na. Masala ya pung masala na ing drayber a iti, matako ya’t animal yang talaga! Deng anak a alang akarapat ilang agyu na!
Ali ne ikwa ning anak ku ing plate number ning dyablos a drayber a ini, pero mamasada ya pung Pandan-Pampang (pero ali no man tataglus Pampang deng alte!), anya buri mi ya mang ireport ali mi agawa. Pero palage ku, modus operandi da na reng aliwang drayber ita. E la agad mamye sukli, pota pin naman akalingwan ne ning pasahero, kaswelo da ne?! Ampo nung anak ya mu, papalyaryan da ing buri da! Ara nang binye da ne ing sukli, o mali ya ing binayad dang pera. Taksyapu da! Ninu naman waring e mangapanagkas kareng dyablos a ren?!
Balu ku masakit ing biye ngeni, pare-pareho mu pung magkakasakit. Pero e sangkan ita para manyamantala kareng aliwang tao, lalu na kareng anak a alang akarapat. LALO NA KARENG ANAK KO! Nung balu na ning dimonyong drayber a ita, a mamasadang PANDAN-PAMPANG (laganasan da na ‘ko ngan, alti kayong alang masabal!), pauli na ning gewa nang pamag-lamang keng anak ku, ali ya meugtu ing anak ko napun uling kulang na la ding pera na.
DYABLOS KAYONG MANGATAKO!
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
Ay rugo makalunus neman ing anak mu, yakuman ing atyu keng kabilyan mu sakit ku talaga lub. Modus operandi da talag deng aliwang driver ita, edaka agad suklian hannga keng akalingwan mune. Minsan patye mika time ka paturu me keng anak mu itang driver ayta ba neman makatakman keka.
Dakal a salamat king pamag-komento. Pero palage ku, ali ne rin ituro ning anak ko…
pasalamat ya pin at ali ne atandanan plate number ning anak ko.
Salamat pasibayu
pareng roy..makalunus neman talaga ing anak mu, eya mekapangan pagtuwan..tsk..tsk… ala tanang agawa ken kasi melyari na. next time sabyan mu king anak mu mimingat nemu at anyaran ne ing sukli kaagad.
kukunan ne kanu, oneng pibala-balugbug ne ning maranup a drayber
kong roy, meinteresado kung memasa ka reng kekang post kaya pin wayni, abasa ke ini, pareho la pala rugu experience deng anak ta!!! ing anak ku naman aliya mekapag snacks uling singilan na lang higit pa king dapat ning matako mu namang tricycle driver. ala ta na pin sigurung akarapat kareng kalupa da nune pakapangadi tana lamu!
ing Apung GINU ya nang bahala kareng mangatako. minsan emu sukli eka pa mikukuldas paganandaNE mapa jip o tricycle,kabud sarili da intinjan da.
[...] atin makanyan a drayber? Sep 11th, 2009 by Roy. Anyang milabasan a banwa, atin matako drayber a mamasadang Pandan-Pampang a migloko king anak ku. Ali ne buring ibye ning sukli ning anak ku king bente pesos nang pemayad, pamilit ning drayber [...]