Agkatan da kayong manalbe
Posted by: Roy in Balita at pakilala, Roy, Telebisyon, tags: abs-cbn, blog, channel 2, domingo, Gusi, korina sanchez, letters to mama, marisol, october 12, oktubre, rated K, Roy, sunday, tomas moratoNapun dinakit da ku kening bale mi king Marisol para dala king Tomas Morato, king istasyon ning ABS-CBN. Kaybat meugto karin, minta kami ketang metung malapit a restaurant a mikilagyung Gusi. Karin mi ya penenayan i Miss Korina Sanchez para interbyuwan na ku. Deng mindakit kanaku, metung kareng researcher na, ampong ing mamantabe kanakung manenaya king Gusi itang writer na (Jes).
Magtaka kayo pu siguro bakit ku mainterbyu kang Korina. Para pu keng programa nang Rated K. E ku mu naman pu balu bakit apili-pili da ku. Atupan ne nitang researcher na (Paul) ing kanakung blog a Letters To Mama at medyo metagkil la yata kapanamdaman, kinonktak na ku angga na pin man keng meinterbyu ku.
Ngeni pu, e ku balu nung na’ng kaluwalan na nitang interbyu o makananu kung lunto king TV. Makanyan man pu, agkatan da kayo pa rin manalbe keng Domingo, Channel 2 king Rated K, e ku sigurado nung nanu ya eksakto oras pero balu ku bandang alas-sais ning gatpanapun ya ita. Ngeni ne pung Domingong iti, a-12 ning Oktubre.
Ngeni pu, nung medyo makarine ku pung linto, e ta na mu pu bubulad ne?
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
alwa na talaga ing sikat neh!… sana ayalben ke, kasi munta kami king las pinas karing inlaws ku.
buren mu ‘pre, pa-you tube ke, hehe…
(pa-ripped ku pa sana keka )
kong roy ot mipamulala ku anyang abasa ke ining post mung ini… AYALBEN KE MISMO ing Rated K at ing interview na kekang Korina… Kaya pala anyang akit ke ing litratu mu king “NINU AKO” mu ot asabi ku king sarili ku na balamu ikit da naka pero ali ku atandanan nung nukarin!!! ngening abasa ke ining pamanagkat mu kanita ya mesagut ing kutang ku!!! ing tutu na nini, MIPAKYAK KU ketang kekang kwentu na ayalben ku!!! asabi ku keng sarili ku kabang manalbe ku at lulu-a… KASWERTI ning asawa mo at deng anak mo, mikaTATA lang antikeka… SANA makanyan ya naman ing TATA da reng anak ku!!! (kaso ali ya!)