Makatakot, nung makanyan la ring manungkulan kareng balen tamu. Mapalyaring e kening Angeles o Pampanga milyari ing insidenteng ini, pero kailangan ta ‘ya pa ring abalu ‘ba ta mung mabibiyasa.
Ing katutuan na niti, ing biktima na ning pamanabuso na ning opisyal metung yang blogger kalupa ku. Ing mikidapat, mayor ning Masiu City king Lanao del Sur i Nasser Pangandaman Jr. Ikit yu na junior ya, at kayabe ne i senior anyang milyari yan, ing sekretary ning Agrarian Reform is Nasser Pangandaman Sr.
Ing lugar ning kapalyarian, golf course king Antipolo City a nung nukarin king ditak a e pamika-intindi, binugbug ne ning mayor, kayabe ring bata na (goons la siguro) ing metung a 56 anyos a lalaki ampo ing kayang 14 anyos a anak a lalaki.
Anyang pinaskil ke itang dati kung sinulat keni na pegmaragul kung menakitan kung $10 king Mylot, ating mengutang kanaku nung makananu waring manakitan king internet? Keta pung sinulat kung ita, makakabit ne pu ing metung paralan, ‘ya pin itang Mylot.
Dakal pa pung paralan para manakitan, importante mu pu masigasig kayong manintun, mamasa ampong manigaral. Pero dapat mu naman pung mingat pauli na ning dakal la naman deng magloko o amanuan dang ’scam’ mimingat tamu pu kareta.
Atin ku pung atupan a metung a e-book nung nukarin makasulat ing paralan nung makananung ing ordinaryong tao, na adyang alang kebaluan o background king computer, programming o internet, malyari yang manakitan, e di lalu na retang makaintindi o eksperto king internet! Wapin po iyan ing Ultimate Super Tip E-Book.
Pero e naman pu sasabyan ning e-book a ini na manakitan kang limpak-limpak o maging kang milyonaryo bigla. Ala pung makanita, istung atin kayong ikit a mangako kekayong manakitan maragul, biglaan ampong adyang ala kayo man gawan, misip-isip kayo pu, kerakalan scam ya yan. Read the rest of this entry »
Ngening aldo ining tuknan ya ing oras a da pin deng aliwang tao, uling ngening aldo ini lumaban ne na naman ni Manny ‘Pacman’ Pacquiao at ing kalaban alang aliwa nune i Oscar ‘Golden Boy’ Dela Hoya. Dakal la reng sasabing dehado ya i Pacman king laban uling mas maragul ya i Golden Boy, pero sabi da naman ding aliwa “mas malati ya man i Pacquaio, mas maragol ne man ing puso nang dadala king laban.”
Ampong a da pa pin deng aliwa mas agrabyado ya i Dela Hoya king laban uling aliwa mu Pacquiao ing kalaban na nune ing buong bansang Pilipinas ampo reng egana-ganang Pilipino keng buong parte na ning yatu. Tutu na man pu ita, uling egana-ganang Pilipino, babae man o lalake, anak o matwa, makatutok kanyan keng laban nang Pacquiao. Read the rest of this entry »
Ing pung tutuking kwento, gawa ne mu pu ning metung a malikot a imahinasyon. Nanu man pung pami-kawangis na king tutung biye ding lagyu, lugar o kaganapan, e ku pu sasaryan ampong ala ku pung buring sabyan. Anyadwan ku pu ing kekayong pamanintindi. Salamat pu.
Malungkot ya i Rico kabang makalawe ya king malaut. Makalukluk ya karing metung a bench king park ning Tokyo, maygit neng pabanua atsu Japan, kalingan yang manipun ba na lang kasal ning tao na. Malapit ne pin muli, payari ne ing adwa nang banuang kontrata.
Dapot, king balitang tinggap na, e ne maybug muli. Tinuki ne kanu kareng aliwang lalake ing girlfriend nang i Gina ampong kinasal na la. Anya pin ngeni, atyu king park magmalun, isipan na o ba’t makanyan? Nanu na ing sukat na’ng gawan?
Atyu ya king makanitang kondisyon anyang atin yang dimdam linukluk king siping na, anyang lawen ne ikit ne ing metung a babaeng tiktakan king lagu, makaba ya buak, morena ampong lupa yang Filipina. Linawe niya naman ning babae, apansin ne mata i Rico na balamu ume yang kumiyak at nganang mengamanu “atin ka yatang problema, mangailangan kang kasabi?”
Misdan ya i Rico, e ya mu Filipina, Kapampangan ya pa! Makanita man, mekibat ya “Ing kasing girlfriend ku king Pilipinas, e ne mekapanenaya. Meki’sawa ne kanu, kelingwan na na ing pangako mi king metung at metung.” “Makanyan?” ngana ning babae, at saka ne tilnan gamat i Rico,”kasakit na naman nita, e ka migaganaka atyu na ku man keni para ‘damayan’ da ka” Read the rest of this entry »
Entries (RSS)