Makanini wari ing dapat ning metung a opisyal ning balen?
Posted by: Roy in Balita at pakilala, Opinyon ampong pakiramdam, Pulitika, Roy, tags: abusado, abusive, agrarian reform, embarrasment, government officials, lanao del sur, makarine, masiu city, mayor nasser pangadaman jr., opisyales, secretary nasser pangandaman
Makatakot, nung makanyan la ring manungkulan kareng balen tamu. Mapalyaring e kening Angeles o Pampanga milyari ing insidenteng ini, pero kailangan ta ‘ya pa ring abalu ‘ba ta mung mabibiyasa.
Ing katutuan na niti, ing biktima na ning pamanabuso na ning opisyal metung yang blogger kalupa ku. Ing mikidapat, mayor ning Masiu City king Lanao del Sur i Nasser Pangandaman Jr. Ikit yu na junior ya, at kayabe ne i senior anyang milyari yan, ing sekretary ning Agrarian Reform is Nasser Pangandaman Sr.
Ing lugar ning kapalyarian, golf course king Antipolo City a nung nukarin king ditak a e pamika-intindi, binugbug ne ning mayor, kayabe ring bata na (goons la siguro) ing metung a 56 anyos a lalaki ampo ing kayang 14 anyos a anak a lalaki.
Ing sinulat king blog ng Vicissitude, i Bambee dela Paz, a e na isip-isip a malyari karela ing bangungot king golf course a ini.
I Bambee, kayabe i tatang na ampo i wali na, tahimik lang mamyalung anyang akatagmu da la deng mi-tatang a reni, e dala pa kilala nung ninu ila. Mika-e pamikaintindi pauli ning meki-una la kanu reng partido da reng opisyales a reni, at e da buri ing sinita na lang tatang nang Bambee.
E ku ne pu buring i-detalyi uling mikakapali kung buntuk patse a-i-isip ke. Mapalyari pu siguro tukyan ye e buo nang kwentong Bambee ketang blog na mismo, para a-sigurado tamung diresto ya ing kwento at ala yang dagdag.
Ing buri ku mu pu sanang parasan, makananung deng taong anti kareni mipupunta la kareng pwesto a maligwang abusuan. Pero sabi da pin pu reng aliwang makabalu keng kwento, e la kanu tao deta nune dimonyos la ampong animal, at sukat dang dapat pagbayaran ing karelang pamanabusu bayu la pa mamerwisyong mas marakal pang tao.
E pu malagad ini, at kerakalan kareng manungkulan makanyan (masakit, pero tutu).
Nung deng dapat ta’ng asahan makanyan la, nukarin ta’na munta?
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)