Subukan taya ing Kapampangan!

Matas ku lawe kareng maestra, pauli ning aintindian ku ing karelang sakripisyo ampong maragol a ambag da king ika-unlad ning kekatamung balen. Kakadwa kanita, ing asawa ku maestra ya naman kanitang atyu ya pa keni.

Pero e na buring sabyan na egana-ganang gagawan da ring maestra ustu! Dakal la naman deng manabusu at talagang ala na la king lugar da!

Minuli ya ing anak ku ngening putut ya ing metung nang patilya. Makisabi yang mayap kanaku na paurud ya uling e ya kanu pante ing buwak na. Anyang kitnangan ke nung bakit, pinutut ne kanu ning maestro nang mikilagyung Mr. Tamayo uling bawal ing makaba patilya.

Nanu ita?! Dipane! Nanu ya ining taung ini?! Maestro ya o sundalo?! Kitnangan ke ing anak ku nung nanung tuturu na, Pilipino kanu. Second year ya ing anak ku at lalung ali ne man mag-attend military science.

Nanung upaya ning taksyapung ini para guntingan ne ing buwak ning anak ku?! Nanung koneksyon ning patilya king pamagaral da?! E ne man lupang bulagsak o sabog ing anak ku uling masalese ne man buwak!

Ing tutu na niyan, dakal nang alingasngas ing pepalagpasan ku pauli ning kumare ke ing principal keng iskwela. E ku buring gamitan o abusuan ing koneksyon ita uling e ku makanitang klaseng tau.

Pero dipa ning alte! Tinagkil la gamat king anak ku!

Pagkatiwala ‘ta la ding anak tamu kareng iskwela da, kaybat kanyanan da la!

Buri ke mu pu sanang i-anunsiyo keni ing balitang asagap ku king Pinoybusiness.org, metung kareng forum nung nukarin ku maka-anib. Obra king eTelecare, call center king Clark, Pampanga. Kasalukuyan la pa pung mananggapan aplikante para king opisina da.

Anya pin nung makatuknan kayo Angeles City, City of San Fernando, Porac, Mabalacat City, ampo karen pang kalapit a balen, pota buri yeng lawen ining announcement a ini.

eTelecare Clark (a BPO) continues to hire interested applicants. We deliver Technical and Billing support to a reputable Internet Service Provider in the US and a giant Computer company… and still expanding. All calls (Phone, Chat and Email) are inbound.

If you’re residing in Pampanga or nearby provinces and dream to work in Clark having decent compensation with highly competitive benefit packages, I can probably help you so.
Read the rest of this entry »

Metung kung ordinaryong memalen, ala kung kotse o nanu pa mang klase ning saken a malyari kung gamitan. Anya pin nung atin kung kailangan puntalan, ala kung aliwang paralan nune ing sake kareng mamasadang dyip.

Uling madalas ing sasake ku kareng dyip a reni, marakal a klaseng tao - drayber ampong pasahero ding atutupan ku. Nung apansin yu siguro kareng mengalabasan kung pinaskel, marakal ing makapatungkol kareng drayber.

Adyang dakal ku pa buring isulat kareng drayber, papagpaynawan ta la pa. Dinan ta no man pansin ngeni deng miyayaliwang ugali ampong dapat da reng pasahero keng dyip. Mapalyaring akit me ing sarili mu kareng metung karening sabyan ku.

Deng mahilig keng harap
Kerakalan deng lalake reni, oneng atin mu naman babaying makanini. Ala naman marok kanini, uling mas komportable ampong e ka mangadamusak a bitis kareng sasake ampong kukuldas. Asabi ku naman, metung ku naman karetang mahilig lulukluk king harap.
Read the rest of this entry »

2009 na! Masaplalang bayung banua kareng kaluguran a madalas mamasyal para makidake kening kanakung Kapampangan blog. Makanyan mu naman kareng ngeni mekatupa king blog ku, bibie ke mu rin ing mayap a oras.

Anyang inumpisan ke ing blog kung Kapampangan a ini anyang Hunyo ning milabasang banua, medyo mikakunu ku pa. Atin kayang mamasa o mikiburi king metung a Kapampangan blog? Kakadwa kanita, kalupa ning pane kung sasabyan, bista man Kapampangan kung meturingan, dakal ku pa e balu king kekatang Amanung Sisuan.

Adyang makanita man, sinulung ku pa rin. Mapalyaring kareng aliwa linto kung ‘jologs‘ or ‘baduy‘ a na pin. Aminan ku, linto ku ring ‘trying hard‘ o ‘magsasa’ uling pamilit kung sumulat kawatasan o poesia king Amanung Kapampangan.
Read the rest of this entry »