Masaplalang Bayung Banua! 2009 na!
Posted by: Roy in Ala mu, Balita at pakilala, Opinyon ampong pakiramdam, Roy, tags: 2008, 2009, angeles, balik-tanaw, banua, bayung banwa, kapampangan, looking back, new year, pasalamat, Roy, thank you
2009 na! Masaplalang bayung banua kareng kaluguran a madalas mamasyal para makidake kening kanakung Kapampangan blog. Makanyan mu naman kareng ngeni mekatupa king blog ku, bibie ke mu rin ing mayap a oras.
Anyang inumpisan ke ing blog kung Kapampangan a ini anyang Hunyo ning milabasang banua, medyo mikakunu ku pa. Atin kayang mamasa o mikiburi king metung a Kapampangan blog? Kakadwa kanita, kalupa ning pane kung sasabyan, bista man Kapampangan kung meturingan, dakal ku pa e balu king kekatang Amanung Sisuan.
Adyang makanita man, sinulung ku pa rin. Mapalyaring kareng aliwa linto kung ‘jologs‘ or ‘baduy‘ a na pin. Aminan ku, linto ku ring ‘trying hard‘ o ‘magsasa’ uling pamilit kung sumulat kawatasan o poesia king Amanung Kapampangan.
Nanu man itang kanakung pamikakunuan o pasubali, mebura anyang migsalita la retang mipapasyal king kanakung blog a Kapampangan. Tutu pung makatabang puso ampong makasikan lub ing abuburi yu la ring kanakung malating ayampang.
Ngening 2009, dakal ku pa buring idake kwento, kawatasan, ampong opinyon king malilyari king kanakung bie, king paligid ku, king palele-lele, ing balen Angeles, bansang Pilipinas ampong king buong yatu.
Pasibayu pu, dakal a salamat king pamakidake yu kanaku anyang 2008.
Sana ngening 2009, maging masanting ya para kekatamu ngan pu.
Masaplalang Bayung Banua keko ngan pung Kabalen ku!
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
Hi Roy,
Namilipit and dila ko. I understood but could not read it fast enough.Mayap a bengi keka kabalen!
Mayap a bengi mu naman po!
hehehe… anya pin kailangan tamung magpraktis mamasang Kapampangan