Atin la bang upaya para gawan da ita?
Posted by: Roy in Balita at pakilala, Opinyon ampong pakiramdam, Roy, tags: abusado, city high, fgnhs, military rule, mr. tamayo, Pandan
Matas ku lawe kareng maestra, pauli ning aintindian ku ing karelang sakripisyo ampong maragol a ambag da king ika-unlad ning kekatamung balen. Kakadwa kanita, ing asawa ku maestra ya naman kanitang atyu ya pa keni.
Pero e na buring sabyan na egana-ganang gagawan da ring maestra ustu! Dakal la naman deng manabusu at talagang ala na la king lugar da!
Minuli ya ing anak ku ngening putut ya ing metung nang patilya. Makisabi yang mayap kanaku na paurud ya uling e ya kanu pante ing buwak na. Anyang kitnangan ke nung bakit, pinutut ne kanu ning maestro nang mikilagyung Mr. Tamayo uling bawal ing makaba patilya.
Nanu ita?! Dipane! Nanu ya ining taung ini?! Maestro ya o sundalo?! Kitnangan ke ing anak ku nung nanung tuturu na, Pilipino kanu. Second year ya ing anak ku at lalung ali ne man mag-attend military science.
Nanung upaya ning taksyapung ini para guntingan ne ing buwak ning anak ku?! Nanung koneksyon ning patilya king pamagaral da?! E ne man lupang bulagsak o sabog ing anak ku uling masalese ne man buwak!
Ing tutu na niyan, dakal nang alingasngas ing pepalagpasan ku pauli ning kumare ke ing principal keng iskwela. E ku buring gamitan o abusuan ing koneksyon ita uling e ku makanitang klaseng tau.
Pero dipa ning alte! Tinagkil la gamat king anak ku!
Pagkatiwala ‘ta la ding anak tamu kareng iskwela da, kaybat kanyanan da la!
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
Keng tutu na po, aliwa mu po yan ing mas maragul a problema kareng maestra o maestro ngeni, dakal pa pung kasong makanyan ing dimdam kuna. atin pong mangalako keng tungkulan,pero mas dakal edana man mo sisikaswan. yaku po mismo bilang metung kareng studyante angga pa man ngeni,kukwang BSEducation keng metung kareng Pamantasan keng lungsod ning Manila. minsan makaranas ku pa murin kareng makanyan, pero base po kareng aranasan kuna murin, dapot taya pong pakatimbangan, atin po munaman kasing kayanakan ngeni na talaga namang pasaway la, lalo pag balu dang high blood ya ing mestro da, minsan naman kung torung babawal dala, karin la pa lakwas sisiri. balu da ing bawal pero gagawan da. nung po sa palage yu ena talaga istu ing gagawan na ning mesabing Mestro, pwedi ye pong puntalan, pakisabyan, harapan, kutnangan nung bakit makanita ing aakto na. at questionan ye po nung nokarin ya megaral.
aku pu aranasan kuna yan, pero dapat tamung isipan na nanu ing dahilan nung bakit na agawa itang talaturu napu ning anak yu, bakit ali tamu pu pakaisipan na agawa na ita uling sinawa ne keng kakapanabilin king anak yu na dapat ing patila ali ya makaba o malabung ing buwak,,, uling king metung iskuwela tuturu darin pu ing desenting itsura ampong pamagmalan, kaya nung tutuusin ali yu pu dapat ikamwa ing makanitang bage lalu na ali yu akutang ketang maestro na ning anak yu ing dahilan… mas masanting nung pakisabyan ye pu, ba yu pung abalu ing katuliran nung bakit megawa ita…….
dakal a salamat bertz king opinyon mu at aintindiyan ke ing point mu…
mupin, e ku magreklamo nung alang kaso a na pin… balu ku ne man itsura ing anak ku uling ala na ku man gagawan nune babanten la ren (ala kung obra)
akasabi ku ne ing prinsipal tungkol kaniti
dakal salamat