“Patse minyambut ku king Lotto…”
Posted by: Roy in Opinyon ampong pakiramdam, Roy, tags: advantage card, Lotto, P350 million, PCSO, Philippine Charity Sweepstake Office, SuperLotto
Karagul na na ning SuperLotto ngeni! Miras ne yatang P350 million! King kerakalan da reng tataya kanyan, e malaut na miras ya pang P400 million ing premyo annga potang alas otso y medya ning bengi, bayu ya mibola!
Dakal talagang tao ing bisang mikwalta, keng sakit na ning biye ngeni e makapagtaka ita. Ing lotto, metung yang dalan para midinan katuparan ing pangarap da ring taong a reni… at king maligwa ampong mabilis a paralan!
Ninu waring e bisang mikwalta ne? Ninu waring e bisang tumud king lotto?
‘ba! Patse akong tinud king lotto, areni reng kanakung plano…
Mumunang dili, pagawa ku la reng pisamban! Wa, tutu! Saupan ku la retang pisamban a kailangan palarin… banta rugu ali na kailangan pang magpa-binggo ampong magpa-raffle ba la mung makalikom perang pagpagawa.
Awa pala, pagawa ku naman sarili kung Mall… ita bang potang manyali ka ali da na ka kailangan pangulitan para pakwanan pang advantage card. Itang adyang sinabi mu nang ali, pamilitan mu pa rin, kaybat ila pang atin ganang malukami keka patse ali ka kinangwa.
Iskwela! Siyempre importante ya yan! Kailangan mu naman pagawa. Ita bang kabang gagawan da la reng bayung buildings, alang makadikit a litrato ning mayor, congressman, councilor o ninu pa mang politiko a mamandi king proyekto… adyang pera na ning balen ing gagamitan da.
Patalakad ku naman sarili kung radio station… itang alang DJ a sasabat kabang papatugtog da ing paborito mung kanta para mu sumabi yang jokes a nung e korni, jurassic ne king kalumaan. Mas masanting nung puro ne mung tugtog ing pakiramdaman mu… anya pin minyindi kang radyo e.
Munta ku mu rin PCSO, para mag-donate. Wa, ibalik ku la ring aliwa bang makasaup. Pero kailangan siguraduan da kanaku na panyaup da la ring pera. Anya aku kasing magpila king PCSO para manyad saup king pamag-dialysis, ala la rugong pondo! Lalu na patse kaybat ning eleksyon!
Menigsu ku na akalingwan, sali ku palang bale ku. Ban kanita e na mamroblema kareng bayad upa… itang e ka manigalgal patse malapit ne ing mapupus, lalo na’t ing kekang landlady bista man king maganaka ya, karas kareng pera manaliwa ya aske.
Dakal pa… marakal ku plano… marakal ku buring gawan ampong saupan… manyambut ku mu king lotto, gawan ku ngan yan… pero e ku pa rin tagal senador adyang agkat da ku pa.
Tutu yan! Asahan yu yan, patse minyambut ku king lotto!
Saguli… aganaka ku…
Ali ku pala tatayang lotto!
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
bwahhahahahhahaha…..
oyan ing sakit ning awsan dang resesyun. sabage anggang pang ena resesyun, talagang mabayat na ing tatayang lotto. uling na ing jueteng, gang pang numanu kang lako de kanu, ede alako lako, uling asahan diya naman reng aliwang tau.
ang gyang migyam kang tayang lotto. panyali mu nya naman tuyo itang panaya mu. alabas mu ne ing almusal mu.
o neng ing masakit kuntoro masanting ing kekang plano para nung manyambut ka man. aneng kasakit ing turan me ing taknidu nang lotto. nung sanang 1 nyang number ing tuturan eh.
o cge koy. panalangangin ta na mu. kumaba tamu pa biye ba tang dakal asaupan gang ala tamung pera. at least daig na pa ning tinud keng lotto kanita. kuntoro ditak ka pera dakal lulugud keka. kesa keng dakal ka pera, dakal mikikasaman keka, dakal bisang makamate keka. at dakal a dakal makuyad ka biye pag dakal na ka pera.
“Money is root of all evil”
kabilis mu naman… saguli abasa mu ne, hehe…
dakal mu naman kasing kalupa ku a bisang tumud lotto… pero e na la man tataya, hahaha….