Papakilala - AngelesCitySite.com
Posted by: Roy in Balita at pakilala, Roy, tags: angeles city, history of Angeles City, Jaycees, Kuliat, online forum, pampanga, Philippines, REFLECTIONS, Roy, The Struggling Blogger, Valentine, website
Ing tutu na niyan, makapaskil ne ini ketang English kung blog a The Struggling Blogger, oneng para karetang ali pa mipapasyal karin, buri ke mu rin naman ibailita keni para karetang ali pa mikabalu.
Buri ke mu sanang ibalita ing metung a bayung website a tungkol king Angeles City… papakilala ke pu, ing AngelesCitySite.com, ing pepakabayong website a tungkol king Angeles City ampong para king Angeles City.
Abalu ke pu ini pauli na ning imbitasyon a tinggap ku king Friendster menibat ketang dati kung kayabe king Kuliat Jaycees, anya palage ku ing mikibandi king website a ini dati ya naman Jaycees.
Agad keng pintalan at tambing kung migregister bilang member. Masanting ya i website uling marakal ya balita tungkol keng Angeles City. Masanting ya naman itang bulung a pahina da tungkol king history ning Angeles City.
Pagmaragul ku na rin pala, me-feature ne rin itang metung kung article tungkol Valentine a menibat naman ketang metung kung blog a REFLECTIONS.
Atin ya naman palang online forum ing site a ini, anya masanting pipag-istambayan ana pin.
Wapin pu yan ing AngelesCitySite, subukan ye pung pasyalan.
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)