Archive for March, 2009
Posted by: Roy in Ala mu, Roy, tags: angeles city, Angeles Electric, brownout, dark, earth hour, electric, kuryente, no power, pampanga, Philippines, summer
Bakit kaya medalas in brownout king Angeles City ngeni? Megumpisa ini manibat anyang Sabado, mig-anunsiyo siyang patingapun na alang kuryente, o ‘power rotation’ a ausan da. Lipat-lipat ya ing brownout kanina, bang kanita naman ali diretsong alang sulu king metung a lugar.
Masanting naman ita, adyang makananu mu, balu meng deglan ana pin. Lalu na’t maka-announce ya ita, apisadyan me.
Bala ku sa, anya yang Sabado ita. Anyang Domingo, mekatapilan na naman mitda ing kuryente. Ali pa naman Earth Hour!
Kaybat, ngening mengalabasan a aldo, anda’t kayi, kabud na na naman matda!
Para kanakung ing obra makadepende king internet, kailangan ke ing kuryente, anya maragul a abala patse alang sulu kanaku.
Pero bakit mipapadalas ing alang sulu ngeni? Nanu kayang problema na ning Angeles City Electric Co.?
6 Comments »
Posted by: Roy in Balita at pakilala, Opinyon ampong pakiramdam, Roy, tags: angeles city, Central Luzon, drayber, driver, fare, Filipino, fine, kapampangan, law, LTFRB, multa, pamasahe, pampanga, Philippines, route, ruta
King milabasan a bulan, ikit tamu ing tuki-tuking pamagbaba ning presyo ning diesel, anya pin marapat mu na mibaba mu rin ing pamasahe.
Deng kekatamung kaluguran a drayber, ala no mang akarapat nung ali tuki king pamagbaba ning pamasahe. Uling istung merakap lang manyingil matas, mas maragul a perwisyo karela. Maliban mu kareng mapilan a pasaway ampong masyas ‘balangidngid’ a magmaklak-maklakan ketang mumunang aldo ning pamagbabang pasahe, halos egana-gana naman memintu.
Read the rest of this entry »
No Comments »
Posted by: Roy in Opinyon ampong pakiramdam, Roy, tags: ala lu, angeles city, barangay, dapog, kapitan, marisol, neighbor, sigalot, siping-bale, tanod
Nandin abak, maranun pa mu mamau na kaming asok king bale. Lulub na king kilub ning bale mi ing makapal a asok a manibatan king siping bale. Halos aldo-aldo gagawan da ita, ing magdapog. Neng kayi pabustan ku na la mu, tutal ala na lu man ding anak ampong e na man makanita karakal.
Pero nandin, masyado makapal! E na ku makapangisnawa ampong halos mangapalua na ku mata king sakit. Kakadwa na pa nita, atyu la ring anak at asasagap da ngan ing asok!
Linwal ku bale at pintalan ke ing siping bale mi. Ngeni ku la pa pintalan. Sinabi kung lulub na king bale mi ing asok na ampong e na ku makapangisnawa. Agad na ne mang pitda, oneng e naman kabud mu makanita meyari - “Ba’t galit ka yata?” ngana kanaku.
Read the rest of this entry »
9 Comments »
Bisa kang maging metung kareng housemate nang Big Brother? Apin na ini ing chance mu!
Dimdam ke king Channel 46 o ing ABS-CBN Pampanga na mika-audition ya ing Pinoy Big Brother season 3 king Holy Angel University king March 8, 2009. Ken neng Domingo ini, 9am to 3pm.
Ing age requirement da, para keng PBB Teens 14-17 years old, e ku mu sure nung atin mu naman karetang regular PBB, pero ing age requirement karin, 19-35 years old.
Subukan yu, baka sakaling ing tutuking manyambut a housemate nang Big Brother manibatan keni king Angeles City.
Kung multiply account na ning Pinoy Big Brother, alang kailangan dalan. Atin na ku man ikit, magdala kanung birth certificate, NSO copy pa. Picture a close-up ampong full body, ID ampong ballpen.
Mas masanting siguro nung atin ka kareni, dala mu na la rin.
Ita mu, good luck kareng egana-ganang mag-audition!
No Comments »
Posted by: Roy in Ala mu, Opinyon ampong pakiramdam, Roy, tags: among ed, angeles city, coach, Filipino, kapampangan, Mon David, pampanga, PBA, Philippines, pride, Professor, Randy David, sikat, Starstruck, Yeng Guiao
Nabengi, kabang mamapun kami reng anak kitnangan na ku ning metung kung anak a lalaki, “De, atin bang sikat a Kapampangan? Itang kilala keng buong Pilipinas?”
“Natural atin!” nga kung mekibat, “karakal da!” Saka ku mimisip nung ninu ngan reng sikat a Kapampangan.
Mumunang linub dili king utak ku i Mon David, metung yang singer-songwriter-arranger. Wapin ‘ya ing vocal coach ampong arranger da reng APO Hiking Society, ampong original member ning AngFourgetables.
Read the rest of this entry »
3 Comments »
|
Entries (RSS)