Tara! Ume ta na!
Posted by: Roy in Balita at pakilala, Roy, tags: angeles city, Cabalen, invitation, Kabalen, Kapampangan blog, pampanga, salamat, thank you
Mumunang dili, papayabut ku ing kanakung alang patnang kapasamalatan kareng egana-ganang minta, memasa, pinuna, pinuri, meka-buri, mesora, o ninu pa mang memye king oras na para mamasa kareng makapaskil king blog kung ini.
Ngeni, keng sumangid na ning kanakung pamagpasalamat a ita, ing balitang mamako na ku kening blog a ini at kalupa na nitang sinabi ku ketang tatauli kung sinulat, lumipat na kung bale… anya pin agkatan da ngan pu… Tara! Ume ta na! Munta ta na ngan ketang bayu kung bale.
Pauli na pu siguro ning kumpyansang peparamdam yu kanaku, anya pin e na ku kabud mu susubuk nu’ne talagang miki-sikanan na kung lub sumulat ampong manapse king Amanung Sisuan… anya pin pu ing lagyu na king kanakung bayung bale ‘ya pin ing Kapampangan Blog… Poesia, kwento, dalit, balita, ampong aliwa-liwa pung kuru-kuro a mi-apse king Amanung Kapampangan.
Ngeni pu, ali ne man talagang misara o mawala ing blog a ini… malakwan ya pa mu rin makabuklat, bang kanita malyari ta la pa mu ring balikan ampong basan detang aliwang makasulat keni.
Pero makanyan, paminsan-minsan ampong paditak-ditak, detang aliwang makasulat keni mapalyaring ilipat o ipaskil ku la naman ketang bayu kung bale, bang kanita naman adala ta la pa rin detang mangasanting a bage menibat keti.
Pasibay pu… dakal pung salamat!
At king kanaku pung panagkat… Tara! Ume ta na!
Nung aburi meng binasa ini, o't e ka mo mag-subscribe king Email ba kang agad mipabaluan patse ating bayung mipaskil
Entries (RSS)
Tara tuki ko bang kanita masaya …he he he
hahaha! mipasyal ka Jena
dakal a salamat!
oy you really write in your own dialect ha…great! keep i tup! kahit di ko maintidihan…ehehehe
syempre tagalan daka kapatad king bayu mung bale.. anakung kaburing mamasang kapampangan a blog..
wapen, ikit da ka pin. mabilis ka
dakal a salamat enjayneer!