Ninu Ako?

Ninu ako? Ako’y Roy, tubong Angeles, meragul king Angeles at makatuknan king Angeles. Sabyan ku sana ‘magobra mu rin Angeles’, aganaka ku, ala ku palang obra. Anya pin dakal ku oras para mag-blog.

Mebalu ku ngeni pang banwang iti (2008) king edad a kuwarenta (40), atin atlung anak at kalupa ning sinabi ku na, ala kung obra. Atin kung malating business, gagawa kung chocolates ampong personalized items a pang-giveaways. Anya nung atin kayong okasyon, pwede yu kung subukan. Lawen yu la reng products ku keng multiply ku (http://houseofpuroy.multiply.com) atyu la rin karin - keng profile ku, deng contact info ku (tel no, email, address, etc).

Ini ing kanakung blog Kapampangan. King kerakalan da ring blog ku ampong kalambat ku nang magblog, puro la ngan english at alang Kapampangan. Anya pin ginawa ku rin ba kung subukan sumulat Kapampangan. Kareng aldo-aldo pamibiye-biye, ideya, kaisipan, o nanu pa mang kuru-kuru.

Keni tamu, abayan yu ku, subukan ta yang i-blog ing amanung Kapampangan.

8 Responses to “Ninu Ako?”
  1. Jena Isle says:
    July 10th, 2008 at 8:41 am

    Mayap a aldo po.

  2. Roy says:
    July 12th, 2008 at 1:06 am

    Mayap a aldo mu naman po!

    salamat king pamamasyal! :)

  3. Talibatab Betis says:
    July 25th, 2008 at 5:59 am

    lawen ye pu ining website a ini:

    http://betis.wetpaint.com/

  4. apple cruz says:
    July 27th, 2008 at 7:53 am

    koya… ksanting ng basan ing blog mo… haiz apakayli nakami kc dakal kmi magobra kapmpngan kening dubai….. santing n koya…. pagpatuloy nio po yan…

  5. Roy says:
    July 27th, 2008 at 8:00 am

    kang Talibatab Betis:

    wa pintalan ke, masanting ya…

    tutu lang masanting deng obra king Betis

    daka a salamat king pamamasyal

    kang apple cruz:

    salamat naman pu at aburi yeng basan ing kanakung blog. sana po makapagbalik kayu pang pasibayu.

    dakal a salamat king pamamasyal

    mimingat pu

  6. APPLE CRUZ 25 says:
    July 28th, 2008 at 2:29 am

    KOYA MUSTA PU ULI?… atiu naku n nmn pu mangulit..ehehe:) koya pdeng mgrequest dakal k p pu b kwento abt. ketang kalokwan o biro?! kburi mila kcng babasan ei…ehehehe:)… angeles kayu pu pla.. daqal kmi pu kamaganak quen ei… balu mo koya paboritu ku pung babasan tng “bakit mo kelangan mamayad pesus?”kc pu aganaqa ku ng 2nd yr. hyskul ku.. pg megsalita qng tagalog,kpmpngan or nanu man ilista daqa… tapos singilan daqa pesus… dapt qanu pu ei english…… aqu nga pu equman fluent keng english pero meqaratang ku rugu keni dubai..ehehe:) nga pu pala koya..bingye ke kareng aliwa kung kakilala keni dubai ing site mu… kpmpngan lamu mu rin…ehehe:)cge pu koya.. myap a aldo namu pu qeqayungan quen…..:)

  7. Roy says:
    July 29th, 2008 at 7:33 am

    Dakal pung salamat at mipapasyal kayu ulit, at pemalita ya pa ing blog. Maragul ya pung bage para kanaku ita. Manisip ku pa pu ampong manintun pang materyales para keng request yu.

    Nung atin kayu pa pu oras, sana apasyalan yu la naman deng aliwa kung blogs.

    Dakal pung salamat pasibayu.

    Mayap a aldo.

  8. APPLE CRUZ 25 says:
    July 29th, 2008 at 8:22 am

    haiz… alapu’yta koya… ei kapampangan kmi ei.. xmpre suportan mila deng kabalen mi:) ehe’… tnx’ koya neh?! panayan kula deng aliwa mu p pung kwento ketang “kalokwan or biro”..ehehehe:)’ pg alakupu g2wan keni ofic. babasan kula pu deng aliwa mu pung blogs…ehe:)…. cge koya… mayap a aldo namu…..