Posts Tagged “amanu”
Posted by: Roy in Ala mu, Opinyon ampong pakiramdam, Roy, kayausan o uso, tags: abak, akasanayan, aldo, amanu, aus, banko, business, empleyado, english, gatpanapun, good morning, gwardiya, hapon, kapampangan, language, mall, mamaus, mayap, negosyo, opisina, phone call, sisuan, telepono, tindera
Pangarakalan, patse minaus ka telepono kareng opisina o nanu mang tindahan o negosyo keti Angeles, ing pakibat da keka - “Good morning! How may I help you?” Dakal la pa kayabe yan, ana nang sabyan ne pa ing lagyu ning kumpanya da, sabyan ne ing lagyu ning makibat, pasamalat ya keng pamanaus mu, ampo nung nanu-nanu pa. Miyayaliwa la istayl balang opisina ana pin.
Pero nanu man ing karelang pang-amanuan o sabyan dang miyayaliwa kareng karelang pakibat, sigurado mung English ya ing karelang salita. Pauli na ning mimulat kekatamu na ing English yapin ing ‘universal language’ at iya naman kanu ing ‘language of business’. Anya pin king pamakirungut kareng taong kanegosyo tamu, kliyente ya man o adyang ing kapakobra mu mu, lalu na nung amo me… aru! singkasiyas dila king pamag-English. Uling istung mag-English ka, propesyonal ka datang.
Read the rest of this entry »
4 Comments »
Posted by: Roy in Ala mu, Opinyon ampong pakiramdam, Roy, tags: amanu, angeles, bakit, english, eskwela, kalokwan, kapampangan, maestra, magaral, magsalita, masenso, pampanga, pera, pesos, pesus, singilan, sisuan
Anyang magaral ku pa, makanyan na ing kalakaran. Ban kanita mo mapilitan kang magsalita ning English, istung arakap da kang migsalitang Kapampangan mamayad ka. Nanu mong kalokwan ita?! Angga pa ngeni, makanyan pa rin ing dapat da reng maestra! Ngeni pesus na! Balamu mo wari makwalta la reng anak para papamayaran da lang makanita!
Kapampangan ka bawal kang magsalitang Kapampangan?! Ustu wari ita? Atyu tamu Angeles City, keng Pampanga, Kapampangan ing amanu ta keti! Bakit mu la ibawal magsalitang Kapampangan deng tao?! E ustu ita! Anya pa man malati ku makanita na ing lawe ku, at angga pa ngeni e pa rin menaliwa. Para kanaku mali ita.
Read the rest of this entry »
3 Comments »
Posted by: Roy in Ala mu, Roy, tags: amanu, among ed, blog, elementary, high school, jason, kaklase, kalamtv, kaluguran, kamaru, kapampangan, kapampangan telenovela, maka-abroad, malagu, masanting, maswelo, salamat, sisuan, suporta, USA
Tutu ping makatabang puso ing atatanggap kung komento o feedback kening kanakung blog a Kapampangan. Pauli da reti, lalo kung mikakaganang sumulat nang sumulat king Kapampangan! Dagdagan pang lalos ing laman ning blog kung iti, ban kanita mas marakal la pang abasa reng Kabalen a mipapasyal keni para mamasa.
Makarine mu pin pung sabyan, pero detang aliwa kung blog a English, medyo apapaburen ku na la uling mas maswelo kung susulat Kapampangan. Mas malagu ya ampong mas natural ing datang. Lalo na pin patse atin kung atatanggap masanting a amanu kareng mamase keng blog ku. Anya pin pu pasalamat kung maragul!
Read the rest of this entry »
1 Comment »
|
Entries (RSS)