Posts Tagged “blog”
Posted by: Roy in Balita at pakilala, Roy, Telebisyon, tags: abs-cbn, blog, channel 2, domingo, Gusi, korina sanchez, letters to mama, marisol, october 12, oktubre, rated K, Roy, sunday, tomas morato
Napun dinakit da ku kening bale mi king Marisol para dala king Tomas Morato, king istasyon ning ABS-CBN. Kaybat meugto karin, minta kami ketang metung malapit a restaurant a mikilagyung Gusi. Karin mi ya penenayan i Miss Korina Sanchez para interbyuwan na ku. Deng mindakit kanaku, metung kareng researcher na, ampong ing mamantabe kanakung manenaya king Gusi itang writer na (Jes).
Magtaka kayo pu siguro bakit ku mainterbyu kang Korina. Para pu keng programa nang Rated K. E ku mu naman pu balu bakit apili-pili da ku. Atupan ne nitang researcher na (Paul) ing kanakung blog a Letters To Mama at medyo metagkil la yata kapanamdaman, kinonktak na ku angga na pin man keng meinterbyu ku.
Ngeni pu, e ku balu nung na’ng kaluwalan na nitang interbyu o makananu kung lunto king TV. Makanyan man pu, agkatan da kayo pa rin manalbe keng Domingo, Channel 2 king Rated K, e ku sigurado nung nanu ya eksakto oras pero balu ku bandang alas-sais ning gatpanapun ya ita. Ngeni ne pung Domingong iti, a-12 ning Oktubre.
Ngeni pu, nung medyo makarine ku pung linto, e ta na mu pu bubulad ne?
3 Comments »
Posted by: Roy in Ala mu, Roy, tags: amanu, among ed, blog, elementary, high school, jason, kaklase, kalamtv, kaluguran, kamaru, kapampangan, kapampangan telenovela, maka-abroad, malagu, masanting, maswelo, salamat, sisuan, suporta, USA
Tutu ping makatabang puso ing atatanggap kung komento o feedback kening kanakung blog a Kapampangan. Pauli da reti, lalo kung mikakaganang sumulat nang sumulat king Kapampangan! Dagdagan pang lalos ing laman ning blog kung iti, ban kanita mas marakal la pang abasa reng Kabalen a mipapasyal keni para mamasa.
Makarine mu pin pung sabyan, pero detang aliwa kung blog a English, medyo apapaburen ku na la uling mas maswelo kung susulat Kapampangan. Mas malagu ya ampong mas natural ing datang. Lalo na pin patse atin kung atatanggap masanting a amanu kareng mamase keng blog ku. Anya pin pu pasalamat kung maragul!
Read the rest of this entry »
1 Comment »
Posted by: Roy in Ala mu, Roy, kayausan o uso, tags: apat, atlu, blog, google, kakatlo, kapat, masaya, maswelo, mayabang, resulta, search
Anyang gewa ke itang blog ku tungkol ketang ranking ku king Yahoo search napun, linawe ke rin ing Google. Megbaka-sakali ku, pota atyu ya rin keng resulta ing blog kung iti. Pero kaybat keng sinulat ing ‘Kapampangan blog‘ at pinindut ku ne ing enter… ala yu keng mumunang pahina ing kanakung blog. Linawe ke kareng tutuki, pota atyu ya kareta. Ali man importante kanaku nung ala yu first page e, lawen ku mu nung lulto ya kareng search. Pero rugo! Kalalam ku na disnan! Miras na ku yata king ka-50th page, ni anino ning blog ku eku akakit! Pero peburen ku ne mu, at eku pibulad-bulad… ita mung keng Yahoo, yang sinulat ku.
Pero bayu ku matudtud nabengi (bandang alas-dose ning bengi), sibukan ke ulit. Bandang alas-siyete pa kasi anyang minuna keng linawe e. Baka-sakali… ala namang mawala. E naman marok ing mamasa. Anya pin minta ku pasibayu king Google, sinulat ke ing ‘Kapampangan blog‘ at saka ku ne pinitik ing enter. Linawe ku la deng linto resulta….
Read the rest of this entry »
1 Comment »
Posted by: Roy in Ala mu, Roy, tags: adik, blog, kapampangan, maburi, masanting, mekeni, melumo, seselan, sulat, sumulat
Bakit pin ne? Nanu mong apala ku keng pamag-blog kung ayni? Ing tutu na nyan, maliban keng ala na kung ayoyobra keng bale, ala na ku man talagang apapala keng blog-blog a yan e. Pero mikakaswelo ku patse kaybat kung sinulat at maka-poste ne keng blog ku itang kanakung isipan.
Lalu na kung maswelo potang balu kung ating memasa keng kanakung blog. Neng kayi maglakwan lang komento kareng blog ku, a talaga namang makapatula keng puso ku. Ke positibo ya man ing komento da o positibo ya, masaya ku. Kasi ena la man makapagkomento nung ali de binasang masalese di ba?
Read the rest of this entry »
3 Comments »
Posted by: Roy in Ala mu, Balita at pakilala, Roy, tags: 2nd, astig, balita, blog, iti, kakadwa, kaluguran, kapampangan, kayanakan, literatura, masanting, masaya, mybloglog, result, resulta, Yahoo
Mipakirut ku! Linawe ke ing kanakung MyBlogLog para akit ku nung nokarin la menibatan ding mumunta keng blog ku. Atin menibatan kareng bulletin post ku king friendster, atin menibatan kareng announcement ku keng multiply, atin mipunta keni pauli na rin ning link ku kareng aliwa ku pang blog. Oneng atin kung apansin… atin miras king blog ku pauli na ning resulta king Yahoo search, ing keyword na (susing-salita?) - kapampangan blog.
Emu naman ngeni na atin miras kareng blog ku pauli na ning Yahoo search… dati na lang lulto deng aliwa ku pang blog keng Yahoo search. Miya-yaliwang salita gagamitan da reng manintun, potang kayi miyabe la reng blog ku kareng resulta. Akakit ku la reta ken ping MyBlogLog, nung nukarin la manibatan deng mamasa kareng blog ku. Oneng potang i-click ku ne itang link a penibatan da, lunto na la keng screen deng Yahoo search result a ikit da reng miras blog ku. PERO, e ku la akit deng blog ku karetang resulta da. O kaya neng kaye, akit ku la man, kareng kalima o matas pang pahina na la makalto. Mipapakirut ku pin, ampong magpasalamat siyempre, kasi miraras la pa rin kareng blog ku adyang malaut na la reng rank ku kareng resulta.
Read the rest of this entry »
No Comments »
|
Entries (RSS)